AGENDA 21

ESKOLEN ARTEKO FOROA

Urtean zehar URA eta IBAIEN  inguruan hainbat  lanetan  aritu ondoren, herria eta ingurumenarekin ditugun  jarrerak hobetzeko asmoarekin, eskola bakoitzak Eibarko udaletxeari bere proposamenak egiten  dizkio.

Proposamenak adosteko eta bateratzeko helburuarekin, maiatzaren 10ean, ikastetxeetako Agenda 21eko ordezkariak bildu izan ginen Portaleako bilera gelan.

Taldeka banatu gintuzten, eta denok aukera izan genuen gure iritzia emateko. Behin proposamen guztiak bateratu ondoren, guretzat garrantzitsuenak zirenak  aukeratu izan genituen, eta horiek izango dira, ekainaren 7an,  udaletxean egingo den osoko bilkurara eramango direnak.

URAREN EGUNA

Gaur, martxoak 22, munduan uraren eguna ospatzen da. Gu 6.mailako neska-mutilak HHko geletara joan gara egun berezi honen berri ematera. Horretarako “Izurderen bidaia” ipuina irakurri diegu eta baita ere, uraren abesti bat abestu: Takolo, Pirritx eta Porrotxen “Ura, Ura”.

ENTZUN ABESTIA

Izurderen bidaian,  itsasoa polita dela kontatzen digu, baina zikintzen dugunean, bertara plastikoak, olioa, petrolioa… botaz, bertan bizi diren animaliak hil egiten dira.

Ura beharrezkoa dugu bizitzeko, zaindu eta maitatu dezagun!

  URA DA, GU GARA!

AGENDA 21

Ikasturte bakoitzean gai berri desberdin bati ekiten diogu, eta ikasturtean zehar hartutako erabakiak hurrengo urteetan ere betetzen jarraitzen dugu. Aurten URA ETA IBAIEN gaia landuko dugu.

Dagoeneko hasi gara ikastetxe barruko lana antolatzen. Guztion artean gure ikastetxeetan zein bere inguruan uraren problematika aztertuko dugu eta alternatibak bilatuko ditugu. Horrela, uraren kontsumoa murrizteko eta hala eskolan nola gure etxeetan ahalik eta gutxien zikintzeko proposamenak landuko ditugu.

Gai batzuk planeta mailakoak izango dira: ur erreserbak, ugaritasuna eta eskasia, ur gazia eta ur geza, lur gaineko eta lur azpiko urak eta abar. Gai orokor hauen artean, uraren kalitatea eta eskuragarritasuna osasunarekin daukan harremana aztertuko dugu eta kalitate oneko uraren eskuragarritasuna ziurtatzeko ibaien egoera ekologiko onaren garrantzia baloratuko dugu.

Dena den, asko jakitea garrantzitsua bada ere, ondo jokatzea da onena: Horregatik ahaleginduko gara egoera aztertzearekin batera alternatiba egokiak identifikatzen.